Комерцијалните текстови се дел од ПР кампањите и маркетинг стратегиите. Тие се сѐ почеста појава, особено на веб порталите, но и на телевизиите. Може да се најдат во речиси сите новинарски форми: статија, репортажа, дури и интервјуа. Имаат одлики на новинарски текстови, соговорникот најчесто е добар познавач на областа, значи легитимен извор, наведено е негово име, детално се обработува темата…
Но, таквите текстови главно продаваат нешто. Во нив, има обработена тема и се предложени јасно и прецизно – продукт или компанија кои е препорачани за темата. Доколку е фармацевстски или козметички продукт, на пример – од морето опции на пазаротна темата, во комерцијален текст ќе биде точно наведено име на продукт кој ќе Ви помогне. Неретко препорачан од специјалист или експерт.
Комерцијалните текстови се однапред осмислен пристап на маркетинг стратегиите, за поверодостојно преставување на производот, услугата или компанијата. Компанијата која сака овој продукт да се рекламира или самата таа, плаќа за оваа услуга на медиумот.
Сосема е во ред да постојат, да се создаваат и читаат комерцијални текстови, но, се оправдани само во случај ако тоа е јасно наведено, на видливо место – дека станува збор за комерцијална објава или промо. За да биде читателот свесен за содржината која ја консумира.
Како примач на вестите, треба да сме внимателни на секој детал од структирата. Понекогаш е тешко, но со онлајн медиумите е полесно. Затоа што секогаш може да се вратиме на содржината и да провериме. Сепак, читаме реклама, само во друга форма, која има за цел да продаде нешто. Тоа не е новинарска статија, со потпишан новинар кој истражувал на темата и дошол до извесни сознанија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
