Комбе кое превезувало мигранти точно напладне со огромна брзина удри во три патнички моторни возила на улицата ,,Младинска” во Струмица. Комбето на задната страна имаше кочански регистарски ознаки и доста беше оштетено од ударите. Оштетени и демолирани беа и возилата што се нашле на улицата Младинска. Дел паркирани а едно кои се нашло пред комбето кое се движело со огромна брзина. По ударот дел од мигрантите кои биле комбето избегале а дел лежеле на коловозот.
Според очевидци комбето се движело по Младинска најверојатно бегајки да не бидат забележани и фатени од полиција. Тврдат дека се движело со брзина околу 100 километри од час. Од брзината комбето како што објаснија жителите на Младинска најпрво удрил во рабниците на улицата и изгубил контрола при што удрило во возило што се движело пред него и во две паркирани моторни возила. Паралелно однел и еден електричен столб.
Според очевидци ударот бил страотен а по инцидентот од комбето излегле околу 50 тина мигранти а дел со повреди останале на коловозот.
Полицијата во моментов врши увид и не соопштуваат детали.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
