Александар Милојевиќ комесар за натпреварување и Иван Мијалковски, активен кошаркарски судија, промовираа „Прирачник за кошаркарско судење“ на кој двајцата автори работеа изминатиов период откако идејата ја добиле за време на паднемијата со Ковид 19. Во Прирачникот кој почнува со изреката на Пјерлуџи Колина „Колку повеќе знаеш, толку подобро судиш“ со свои текстови се присутни луѓе од кошарката, но и други стручни лица во своите области, кои пак имаат допирни точки со овој спорт.
,,Кошарката е една од најсложените екипни спортски игри во кои доминираат брзи трансформации од акција во акција во нападот и во одбраната и е резултат на меѓусебна интеракција помеѓу играчите, помеѓу играчите и тренерите и помеѓу играчите и тренерите од една страна и кошаркарските судии од друга страна, истакнаа авторите.
На промоцијата на Прирачникот зборуваа проф. д-р Ленче Алексовска Величковска, Декан на Факултетот за физичко образование, спорт и здравје, како и најдобрите македонски и светски ракометни судии Ѓорѓи Начевски и Славе Николов.
Прирачникот може да се купи по цена од 300 денари а авторите истакнаа дека собраните средства ќе бидат донирани за настраданите од земјотресот во Турција и во Сирија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
