Според истражувањето на Центарот за граѓански комуникации од Скопје за последните три години во општините во земјава бројот на вработени и ангажирани лица во општинската администрација е зголемен за нови 154 луѓе. Истражувањето е правено за периодот од од почетокот на 2017 заклучно со 29.02.2020 година. Според нивните податоци бројот на нововработени пораснал за 2 %, но на оние со привремено вработување скокнал за 25 %. Бројот на луѓе ангажирани на договор на дело по општините се намалил за 31 %.
Што се однесува до 10 те општините од Југоистокот за овој период кај одделни општини вкупниот број на општинската администрација опаѓа кај други пак се зголемува. Според објавената база на податоци на Центарот за граѓански комуникации најмногу лица во редовен работен однос, или ангажирани лица под договор на дело или привремени вработувања има во Гевгелија. Во ова општина на почетокот на 2017 имале 86 лица додека на крајот на февруари годинава 105. Раст има и во Валандово и Конче.
Според истражувањето на Центарот за граѓански комуникации најголемо намалување на општинската администрација има во Струмица. На 31.12.2016 година во ова општина имало вкупно ангажирани 249 додека на 29.02.2020 – 220 лица. Опаѓање има и во општините Радовиш, Василево, Ново Село
Истражувањето е спроведено врз основа на одговорите на институциите на барањата за слободен пристап до информации од јавен карактер за бројот на вработени во редовен работен однос, преку привремени вработувања и со договор на дело на 31.12.2016 и на 29.02.2020 година.
Базата со податоци на Центарот за граѓански комуникации може да се виде ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
