Регистрацијата на возилата со странски таблички со 50 отсто помали давачки ќе започне од утре. Така најави министерот за економија Крешник Бектеши истакнувајки дека денеска или утре во Службен весник ќе биде објавен Правилникот за поединечно одобрување на возила и со тоа граѓаните ќе можат почнат да ја користат повластената цена за да ги пререгистрираат возилата.
„Со Законот кој беше донесен се предвидува да се донесат соодветни правилници, а вчера Министерството за економија го донесе Правилникот за поединечно одобрување на возилата. Сега Бирото за метеорологија и другите институции како Царинската управа можат слободно да почнат со регистрација на возилата кои се предвидени со последното законско решение“, рече Бектеши
Оваа поволност ќе важи за сите возила кои влегле во земјава заклучно со 1 октомври 2020 година. Целта на ова законско решение е можност на граѓаните, сопствениците или корисниците да можат да ги регистрираат возилата со странски регистарски таблици на територија во земјава. Сопственикот или корисникот на возилото или лицето кое ќе го купи возилото треба да ги има регулирано царинските и даночните обврски за возилото во рок од шест месеци од денот на влегувањето во сила на овој закон и да поседува важечка сообраќајна дозвола, осигурување и зелен картон
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
