Вкупно 30 граѓански организации од Општина Струмица ќе добијат пари од Буџетот на општината по распишаните јавни повици за поддршка за реализација на проекти за оваа година од програмите Г1 и V2. Од програмата Г1 за поддршка на локалниот економски развој и туризам и заштита на животната средина, средства ќе добијат 25 граѓански здруженија кои треба да поделат околу 2 милиони и 620 илјади денари или околу 42 илјади евра .
Од програмата V2 пари ќе треба да добијат пет граѓански здруженија. Станува збор за организации кои ги застапуваат интересите на ранливите категории граѓани од социјалната детската и здравствена заштита во Општина Струмица. Од ова програма доделени се вкупно 880 илјади денари или околу 14 илјади евра.
Проектите треба да се реализираат до крајот на годинава а во август беа објавени организациите кои добија пари. Право на учестство имаа сите граѓански здруженија по двата распишани повика, регистрирани на територијата на општината со исклучок на оние кои лани не ги реализираа проектите. Лани Општина Струмица даде околу 5 милиони денари на граѓански здруженија кои аплицираа по три програми за кои имаше Јавни повици. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
