Утревечер на спортскиот терен „Чифлик“ кај монополот во Струмица стартува второто издание на меморијалниот турнир во мал фудбал ,, Благој Истатов“. Вкупно 20 екипи од цела држава ќе земат учество на турнирот во чест на фудбалската легенда Благој Истатов. Екипите се поделени во 4 групи а најдобрите ги продолжуваат мечевите во втората елиминациска фаза. Турнирот го отвораат екипите на Вистони ЖП и Елефант, по што следуваат мечевите меѓу Еуромонта и НП Транс како и Фенербахче и Авулино. Турнирот се очекува да го отворат Горан Пандев и градоначалникот на Струмица Костадин Костадинов .
Екипите ќе се натпреваруваат за наградниот фонд од 1 милион денари или приближно 16 илјади евра. Победникот на турнирот ќе добие награда од речиси 10 илјади евра или 600 илјади денари . Второпласираниот состав ќе освои 300 илјади , третопласираната 100 илјади а поразената во малото финале утешна награда од 50 илјади денари
Освен за четирите најдобри екипи планирани се награди и за најдобриот стрелец, играч и голман.. Паралелно натпреварување ќе има и во јуниорска конкуренција.
Турнирот е под покровителство на Градоначалникот и Советот на Општина Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
