Најдобра ракија на 25 тото издание на валандовската Ракијада испече тимот кој дојде од СОУ,, Гоце Делчев“ од Валандово. Вака одлучи жирито кој пријавените мостри ги оценуваше по мирис, боја, јачина, вкус односно параметрите по кои се пече ,,домашна ракија“.
Второто место го освоија Андон Нунов и Блажо Шопов и двајцата од Валандово кои се занимаваат со лозарство. Според петчленото жири и нивната ракија ги исполнувала потребните критериуми и доби високи оценки.
Третото место во конкуренција на 20 тина казани или учесници натпреварувачи им припадна на групата ,,Агрономија“ – здружение на агрономи од целиот валандовскиот регион кои исто така испекле квалитетна ракија.
Признание им беше доделено и на женскиот тим во состав Гуна Маркова и Аница Џилвиџиева со оглед на нивната упорности посветеност кон традицијата на печење ракија. Беше поздравено 20-тото јубилејно учество на Гуна Маркова која преставува вистинки пример на чување на валандовската традиција
Градоначалникот на Општина Валандово Ѓоко Камчев за идната година најави дека „Ракијадата“ ќе стане меѓународна манифестацијата, ќе трае два дена, а победниците ќе бидат прогласувани на големиот празник Св. Трифун, по одлежување на ракијата. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
