Околу 100 тина ученици од СОУ,,Димитар Влахов“ беа дел од натпреварот ,,Биоекономија низ уметност“ кој се спроведе во рамките на SCALE-UP проектот од програмата Хоризонт Европа, што го имплементира SDEWES-Скопје во партнерство со општина Струмица. Целта беше младите да се фокусираат на биоекономијата односно изработка на предмети од стари матријали, рециклирана хартија, конец од јута, паднати листови од дрвја, гранчиња, хартиен отпад, постери, фотографии, видеа итн.
Околу 20 тима денеска ги презентираа своите идеи како од отпад да се направи бизнис или на отпадот да му се даде нова употреблива вредностс. Во таа насока тимот во состав од ученичките Илинка Пандева, Изабела Атанасова, Сара Шопова и Ружица Николова под менторство на професорките Ленче Серафимова и Билјана Бајрактарова го освоија првото место со темата ,,Затворач за вино од биоотпад од винова лоза“
Второтo место го осови тимот во состав од учениците Дончо Јанков и Дамјан Трајков со темата ,,Био АРТ“ под менторство на Соња Ташева, Македонка Гоџирова Попова и Љупка Галаскa Василев, додека третото место и припадна на Данче Ристова која под менторство на Невенка Мачукова Лазарова и Ленче Серафимова имаше тема со наслов ,,Еколошки сапун со луфа“.
Како што информираше жирито, сите теми како проекти биле иновативни, изводливи и можеле да имат влијание во заедницата за да се искористи отпадот и му се даде нова употребна вредност. Сите учесници ќе добијат сертификати, а победниците ќе бидат промовирани на веб-страницата SCALE-UP и на платформите за социјалните медиуми на регионалните партнери. Дополнителни награди, како што се парични награди или био-базирани производи, исто така се обезбедени од проектот.
Со вклучување на младите умови во истражувањето на биоекономијата, проектот SCALE-UP има за цел не само да ја едуцира следната генерација, туку и да ги инспирира да продолжат со кариера во биоекономскиот сектор, придонесувајќи за одржлив развој во нивното место на живеење.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
