„Селектирај отпад“ ги објави имињата на струмичани кои за месец септември најмногу селектирале пластичен отпад а количините ги пријавиле преку мобилна апликација. Станува збор за пет струмичани кои освоија најмногу поени, откако во пластични кеси со бар кодови складираа пластика и хартија и со мобилната апликација ,,Селектирај отпад“ го алармираа струмички Комуналец да го подигнат селектираниот отпад.
Наталија Дикова доби награда од 2000 денари, Сашко Младенов и Илија Јанков по 1000 додека Арсен Ставров и Дијана Тумбова по 500 денари.
Селектирај отпад со мобилна апликација во Струмица стартуваше на почетокот на годинава. Струмичани кои се заинтересирани да селектираат пластика лименки и хартија се пријавуваат во Комуналец од каде добиваат пластични кеси со бар кодови. Домакинствата во домашни услови го селектираат и по мобилната апликација пријавуваат дека имаат отпад по што комунaлното го подига.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
