Селектирај отпад ги објави имињата на струмичани кои за месец август најмногу селектирале пластичен отпад преку мобилна апликација. Станува збор за шест струмичани кои освоија најмногу поени, откако во пластични кеси со бар кодови складираа пластика и хартија и го со повик до Комуналец го депонираа селектираниот отпад.
Методи Митев доби награда од 2000 денари, Христина Накова и Кирил Ахтаров по 1000 додека Верица Танушева и Лилјана Колева по 500 денари.
Селектирај отпад со мобилна апликација во Струмица стартуваше на почетокто на годинава. Струмичани кои се заинтересирани да селектираат пластика лименки и хартија се пријавуваат во Комуналец од каде добиваат пластични кеси со бар кодови. Домакинствата во домашни услови го селектираат и по мобилната апликација пријавуваат дека имаат отпад по што комунaлното го подига.
Општина Струмица пред некој месец во дел од градот постави и контејнери за селекција на отпад.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
