Вкупно 97 милиони евра неповратни средства доделува ЕУ на земјава во рамките на ИПАРД 3 програмата која треба да се реализаира до 2027 година. Со оглед дека државата кофинансира 25% тоа значи дека на македонскиот аграр му стојат на располагање околу 128 милиони евра. Досега преку оваа програма во периодот од 2007 до 2023 подржани се околу 3100 проекти во агроскеторот при што се слеани над 223 милиони евра.
Овие средства се наменети за Mерка1: Инвестиции во основни средства на земјоделски стопанства поконкретно за механизација, складишта, технологија за преработка и обновливи извори како и за Mерка 7: Диверзификација на фарми и развој на бизниси. Годинава беше објавен за повик од мерката 1 за инвестиции каде поддршката која може да се добие од ИПАРД програмата е околу 60% и 70% за млади земјоделци.
,,Апликантите ќе мора да имаат комплетна и точна документација за и околу статусот на земјоделското стопанство како и бизнис план, профактури, дозволи и понудиво која се аплицира но и дали се исполенти основните критериуми. Препорачливо и пожелно е да е млад земјоделец, женски претприемач, планинско подрачје и зелен бизнис со одржива енергија или органско производство. Апликантите мора да имаат силен и реален бизнис план односно проектот да биде со одржлив со раст на производството, продуктивност “ вели Тихомир Петрески консултант за ИПАРД
Тој тврди дека претходно треба да се приберат сите документи но и да се користи помош од МЗШВ/Ипард телото, регионалните центри за рурален развој но и консултанти. Помошта како што наведе е потребна бидејки целата постапка е комплексна и бара и време и ресурси.
Според Петрески при користење на ИПАРД средства апликанотот мора да има доволно ликвидни средства или кредитна линија за кофинансирање на проектот што е еден од главните услови за поддршка на одреден проект од страна на ИПАРД.
Петрески беше дел од работилниците на тема ,,Можности и пристап до ИПАРД програмата – чекори до Европските фондови за земјоделството и рурален развој“ што здружението „Медија Инфонет“ од Струмица ги спроведе во Босилово Радовиш и Богданци во рамките на проектот ,,Поврзи го Југоистокот за Европска иднина“ финансиран од ЕУ преку Евротинк, Алда и Бирц во земјава од проектот ,,Медиумите за ЕУ“. (К.Ѓоргиев)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
