СДСМ во вториот турнус на кандидати за градоначалник за престојните локални избори, освен за Струмица ги објави имињата на кандидатите и за општините Василево и Босилово. Станува збор за Ванчо Новоселски и Мариче Кармазичева за кои од партијата соопштија дека се истакнати и докажани личности кои низ процесот на селекција добиле доверба и од граѓаните и од партиското членство.
Ванчо Новоселски е вработен во Агенцијата за храна и ветеринарство во Секторот за инспекциски надзор. Тој е од Ангелци и има завршено ветеринарен факултет. Мариче Кармазичева пак работи во Општина Босилово. Како што стои на општинската веб страна таа е советник за нормативно правни работи. Тие двајцата ќе бидаат противкандидати на актуелните градоначалници Славе Андонов и Ристо Манчев од ВМРО ДПМНЕ кои добија доверба од својата партија за нов мандат.
На своите ФБ профили и Ванчо Новоселски и Мариче Кармазичева се заблагодарија на партијата за укажаната доверба и најавија дека ќе се заложат за решавање на наталожените проблеми во општината ако ја добијат довербата од граѓаните.
СДСМ во струмичко сеуште го нема објавено својот фаворит за општина Ново Село а во Југоистокот имињата на кандидатите за градоначалник во Валандово, Гевглеија, Радовиш и Конче. Познато е дека во Богданци ќе трча со Блаже Шапов, во Дојран со Ристо Џинев и во Струмица со Марјан Даскаловски. (В. Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
