По повод Денот на сесловенските просветители Св. Кирил и Методиј, синоќа во Центарот за култура во Струмца се одржа Свечена Академија. На истата се обрати градоначалникот Костадин Костадинов кој кажа дека делото на Светите Кирил и Методиј не учи дека вистинската сила лежи во знаењето и во борбата за подобро утре.
,,Нивното дело е жив пламен што гори во срцата на сите Словени, пламен што го осветлува нашиот пат низ вековите. Тие не беа само просветители, тие беа визионери. Тие беа борци кои со силата на умот и духот ги урнаа бариерите на незнаењето и ја отворија вратата кон напредокот,, објави Костадинов
На Академијата беа доделени и наградите на најуспешните наставници и воспитувачи во Општина Струмица. Станува збор за награда што ја воведе општината од пред некоја година при што сите основни и средни училишта и градинки ги дават своите предлози за најдобар просветен и стручен работник .
Дрнка.МК Ви ги објавува сите 15 просветни и стручни работници кои добија награда од Општина Струмица
- Зоран Петков – наставник по стручни машински предмети ДСУ „Никола Карев“
- Славица Милева Ефтимова – наставник по информатика од СОУ ,,Јане Сандански“
- Љупка Галазка Василев – наставник по ликовно при СОУ ,,Димитар Влахов“
- Љубинка Цветанова – одделенски наставник во ООУ „Маршал Тито“ Струмица
- Виолета Василева – наставник по хемија во ООУ „Сандо Масев“ Струмица
- Мирјана НИковска – одделенски наставник ООУ „Никола Вапцаров“ Струмица
- Соња Цицимова – одделенски наставник ООУ „Видое Подгорец“ Струмица
- Ѓурѓица Грнчарова – наставник по италијански јазик ООУ „Даме Груев“ Куклиш
- Васе Велков – наставник по физика ООУ „Св Кирил и Методиј“ Дабиље
- Соња Бучовска – наставник по хемија ООУ „Маршал Тито“ Муртино
- Слободанка Митева – наставник по ликовно ООУ „Герас Цунев“ Просениково
- Ратка Велкова – наставник по географија ООУ „Гоце Делчев“ Вељуса
- Марина Грозданова – наставник по солфеж ООМУ „Боро Џони“ Струмица
- Славица Андреева – воспитувач ЈОУДГ „Детска Радост“ Струмица
- Цвета Булатовиќ – воспитувач ЈОУДГ „Виножито“ Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
