Министерството за култура ги објави резултатите за финансирање на проекти од национален интерес од културата за ова 2025 година. Дрнка МК направи увид во програмата „манифестации и фестивали“ од национален интерес во културата за ова година при што констатиравме дека, Министерството за култура пари додели на вкупно осум настани во Југоистокот кои треба да се реализираат оваа година како манифестации и фестивали.
Најмногу пари се одобрени за ФКТ “Ристо Шишков“ за реализација на 33 тото издание што секоја година се одржува во септември. Министерството за култура, овој фестивал посветен на актерот ќе го поддржи со 1 560 000 денари. Реномираниот „Фолк Фест Валандово“ годинава од Министерството за култура ќе добие 1 410 000 денари, додека за 32 то издљние на Меѓународниот фестивал “Пролетни веселби Хид бах шен фест“ во Чалакли министерството одобри 400 илјади денари.
Пари од програмата „Манифестации и Фестивали“ од Министерството за култура ќе добијат и граѓански здруженија и тоа Здружението на граѓани за негување на камерната музика ,,Класика Меѓународен фестивал“ Струмица за реализација на годинашново издание на фестивалот со 255 илјади денари додека 204 илјади ќе добие Здружението ,,Средба под јаворите – Видое Подгорец“ за реализација на меѓународната литературна манифестација. 204 илјади ќе добие и здружението за граѓани за локален уметнички и културен развој Арт Еквилибриум од Гевгелија за реализација на 17 тото издание на „Бош фестивал“
За културната манифестација со фолклорен предзнак ,,Ѓура Мара 2025“ што ја организира КУД „Танец“ од Миравци, министерството за култура ке додели 102 илјади денари додека Фолклорниот ансамбл „Бучим“ од Радовиш ќе добие 180 илјади денари за 25 тото издание на Меѓународниот фолклорен фестивал ,,Оро весело 2025“ во Радовиш.
Струмичкиот карневал кој годинава ќе се одржи на 1 март и е добро позната манифестација, годинава од Министерството за култура ќе добие 765 илјади денари или двојно помалку од Вевчанскиот. Парите ќе бидат доделени од Областа на музејска дејност и заштита на културното нематријално наследство за ова 2025. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
