40 годишниот Џејхан Асанов од валандовско Дедели заедно со негови братучеди одгледуваат стадо со околу 600 тини кози кои преставуваат основен извор на егзистенција за нивните семејства . Го затекнавме меѓу Валандово и Дојран кај Ѓопчели на полјаната од десетина хектари каде стадото со кози беше на паша. Вели дека е тежок козарскиот живот но друг избор нема
,, Како не е е тешко. Нозе немам. Постојано трчам по нив по десетина часа бидејки по природа се потемпераментни козите. За среќа некогаш ми помагаат двајца мои братучеди. Козите не се толку мирни кога се изнесуваат на паша па мора да се внимава на нив. Постојано сум на ова релација, бидејки овде има најмногу трева. Со оглед дека од утро до мрак сум врзан со нив, незнам што ден е, кога е викенд а кога празник. Но тоа е, од нешто мора да се живее ,, вели Џејхан Асанов од Дедели
Според него, козарството во овој дел на државата постепено изумира. Своевремено само во Дедели имало десетина семејства се занимавале со одгледување кози и производство на козјо млеко. Но сега останал само тој со неговите братучеди. Козари нема ниту во соседните села каде претежно останале стада со овци и по некоја крава. Џејхан вели дека може да се крпи живот со козарството само ако редовно се исплаќаат субвенции. Вели дека ланските сеуште не ги добил за одгледување по грло и нема намера да го проширува стадото.
,, Нема и никој не кажува кога ќе ги добиеме. Ако ги платат подруго ќе биде. Ќе можеме нешто да купиме за по дома децата сакаат комјутери, лаптопи. Подобро ќе е ако редовни ни ги исплаќаат субвенциите,, вели Џејхан
Од платежната агенција информираа дека барањата за исплата на субвенции се обработуваат а исплатата ќе почне откако ќе се заврши проверката на сите пристигнати барања. Рокот се пролонгирал бидејки во текот на 2020 та година на барање на фармерите и земјоделците имало два продолжени рокови за поднесување на барањата, што дополнително влијаело на самиот процес.
,, Субвенциите ќе се исплатат во законскиот рок предвиден сголасно Програмата.како и досега штом ќе бидат обработени и исплатени средствата за субвенции за обележани грла, Агенцијата ќе ги информира преку соопштение за јавноста. Висината на поддршката за обележано грло коза во земјава изнесува 1200 денари, односно 1300 денари за земјоделски стопанства од 50 до максимум 150 грла. За предаден литар козјо млеко пак во регистрирани капацитети добиваат по 4,5 денари’’’’, информираа од Агенцијата
Минатата година до Платежната агенција за одгледување кози апликации поднеле 2021 козар од земјава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
