Тимот на КМФ Проект од валандовско Јосифово вечерва ремизираше во големото дерби против тимот на Арбен Бајрами во Скопје во рамките на 14 тото коло и го задржа лидерското место во Првата Футсал лига на Македонија. Со освоениот бод е на добар пат да се закити со титулата и Шампионскиот пехар од македонската Футсал лига го донесе во Валандово
КМФ Проект Јосифово не го издржа притисокот во последните секунди од мечот кога домашниот тим постигна гол по водството од 1:0 на валандовчани со голот на Иван Крстевски. Имајки во предвид дека во првиот дел од Футсал лигата КМФ Проект славеше на свој терен од 3:1, валандовчани имат подобар учинок наспроти Бајрами кој сега е втор со бод помалку.
,,Среќата не не посака, Бајрами голот го постигна на две секунди до крајот на мечот, но не се откажуваме од целта да го кренеме Шампионскиот пехар во Валандово. Сега треба да бидеме внимателни во секое коло и да не дозволиме кикс, бидејки сме на лидерското место но бодовната разлика од конкурнтите е намалена. Друго ќе беше ако освоивме цел плен со Арбен Бајрами,, изјави за Дрнка.МК Иван Гавровски од КМФ Проект Јосифово
Инаку првата Футсал лига на Македонија брои 12 екипи а вландовски КМФ Проект Јосифово е есенски Шамион .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
