Второлигашот Струмица славеше во ,,мајсторката” против Соколи во Штип и обезбеди пласман во плеј офф завршницата за преселба во Првата лига. Избраниците на Ики Христов и Атанас Цикарски одиграа одлична партија во третиот меѓусебен меч со штипјани и славеа со 83:80. Победата ја осигури младиот Димитар Зетов кој во последните секунди од мечот имаше мирна рака од линијата за слободни фрлања а на мечот реализираше 22 поени.
Струмичани добро го почнаа мечот против фаворитот Соколи во Штип и по првиот период обезбедија предност од 3 поени (18:21). Со одлично темпо го продолжија мечот па на првото полувреме заминаа со 16 поени предност (29:45). Предност од 16 поени ја одржуваа се до последните десет минути откако во третата четвртина одиграа (22:22) . Домашниот состав кој по регуларниот дел имаше подобар пласман се закани во последниот период кој го доби со 29:16 но не доволно да се исфрли Струмица за Прва лига.
Освен Зетов ефикасни беа и Димитриев кој постигна 19 поени, Мелов 16 и Абрашев 14. На мечот во Штип играа и Алексиќ, Ахтаров и Ѓеоргиев
Освен во Струмица во самата завршница во вторлигашкото друштво се и екипите на Шкупи, Чаир и Вардар. Струмица за противник во полуфиналето го доби тимот на Шкупи со кого во сабота во сала Парк во 17 часот го игра првиот меч. Во среда идната недела е вториот доколку има потреба мајсторката се игра во Струмица на 14 мај
Победниците од двата меча Струмица-Шкупи и Чаир-Вардар ќе играат финале но и двата тима се стекнуват со право во Прва лига.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
