Викендов стартуваше второлигашкото кошаркарско натпреварување кое брои 20 екипи и се поделени во источно и западно друштво. Во ова лига партиципира и КК Струмица како член на Втората лига Исток како најмлад состав меѓу сите второлигаши а за разлика од минатата сезона доста ослабнет со неиграњето на Димитриев. Новата сезона ја почнаа со пораз откако на свој терен изгубија од Феникс со 70:76 (17:19 10:23 24:15 19:19)
Според информациите доста интересен и возбудлив меч во кој струмичани од негатива од 20 поени се вратија во играа за победа, но не ги искористија слободните фрлања и неколкуте зицери во финишот од средбата, што беше доволно за Феникс мирно да го доведе мечот во своја корист.
Инаку КК Струмица заради ситуацијата со коронавирусот речиси две недели не тренираше и беше во ,,изолација’’но по прикажаната игра во салата при СОУ ,,Никола Карев’’ покажа дека има капацитет и потенцијал кој може да се носи во Втората лига. Пред да го стартуваат второлигашкиот шампионат извршија тестирање и сите членови на тимот и стручниот штаб беа негативни а мечот се одигра според сите мерки и протоколи од страна на Владата
Најефикасен во мечот против Феникс во таборот на КК Струмица беше Макенаџиев со 25, Ташков со 14 и Абрашев со 13 поени а придонес во добрата игра дадоа и останатите членови на тимот.
Согласно системот за натпреварување, во регуларниот дел од сезоната 2020/21, во двете групи ќе се одиграат вкупно по 18. првенствени кола. Првопласираните четири екипи од двете групи, се пласираат во четвртфиналето, кое се игра во два добиени натпревари. Четирите победници од четвртфиналните серии обезбедуваат пласман во полуфиналето на плеј-офот, кое исто така, се игра во два добиени натпревари. Двете екипи кои ќе ги добијат овие полуфинални серии ќе бидат промовирани во членови на Првата лига-мажи за сезоната 2021/22.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
