Кошаркарите на Струмица забележаа значајна победа во 13 тото првенствено коло од Втората кошаркарска лига на Македонија. На свој терен го надиграа Кам Баскет од Македонска Каменица со 71:58 и останаа во игра за добар старт во разигрувањето за можен камбек во елитата (19:16, 16:19, 23:11, 13:12)
Победата, струмичани кои се еден од најмладите екипи во првенството, ја осигурија во третиот период кога одиграа лавовски во одбраната и беа прецизни во штутот откако имаа негатива од 10 поени разлика по нерешениот резултат по првото полувреме 35:35. Кошаркарите тогаш успеа да направат целосен пресврт и за 5-6 минути на гостите да им дозволат само поен. По третиот период струмичани обезбедија предност од 12 поени а во последниот период додадоа уште еден поен за конечни 71:58
Најефикасни кај струмичани беа Мелов со 22, Димитриев со 18, Зетов со 13 а поени постигнаа и Алексиќ, Ахтаров, Шајкаров, Ѓеоргиев, Костадинов. По 13 кола КК Струмица со 20 бода е на делба од 4 место.
Според правилата од 12 те екипи во Втората лига, две испаѓаат, пласираните на 9 и 10 позиција остануваат во Втората лига додека 8 те најдобри екипи разигруваат (по принцип првопласираниоt со осмопласираниоt, второпласираниот со седмопласираниот……) Победниците од 4 нови двојки одат во Топ четворката каде победниците одат во Прва лига.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
