Со одигрувањето на мечевите од 18 тото првенствено коло од Втората кошаркарска лига на Македонија познати се екипите кои ќе разигруваат за пласман во Првата лига , кои остануваат во Втора а кои ќе се селат во Трета лига. Од второлигашкото источно друштво за пласман во Првата лига ќе се борат Ангели, Феникс, Шкупи и Борец.
Со победата над Баскет Кам од Каменица со 75:69 кошаркарите на Струмица и догодина ќе играат во Втората лига бидејки според актите на КФМ следната сезона Втората лига ќе брои 12 екипи без да биде поделена на источно и западно друштво. Ним им фалеше само една победа за да се најдат во плеј офф пресметката. Избраниците на Зетов и Цикарски ова сезона остварија девет победи и исто толку пораза. Од клубот изразуваат задоволство бидејки се соочија со доста ковид позитивни играчи кои беа во изолација но и чести повреди кај дел од поединците.
За разлика од КК Струмица, вториот второлигаш од Струмица КК Ролинг 08 кој ова сезона дебитираше ќе се пресели во Трета лига. Во ова натпреварувачка сезона како најмлад тим оствари 1 победа и 17 пораза.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
