Второлигашот Струмица во рамките на третото првенствено коло во својата група ја забележа првата победа ова сезона и тоа во гости кај Куманово. Избраниците на Златко Зетов со добар почеток и одлична завршница го надигра домаќинот и со 80:64 се вратија во Струмица каде во првите две кола претрпеа порази
Младиот состав на КК Струмица без повредениот Димитриев ја доби првата четвртина со 28:23. Продолжија со ист ритам и во вториот период когана крајот разликата ја зголемија на плус 10 (49:39). Домаќинот Куманово 2 се закани во третиот период кој го доби со 18:12, но младиот состав од Струмица не си дозволи кикс и во последните 10 минути одиграа одлично кои ги добија со 19:7 за конечни 80:64
Душан Макенаџиев со 26 поени беше најефикасен кај струмичани а Оливер Тасков и Миле Ѓеоргиев уфрлија по 16 поени. Следното коло КК Струмица го пречекува непоразениот Борец Баскет од Велес и тоа во среда во СОУ Никола Карев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
