Кире Ричлиев веќе не е тренер на актуелниот шампион ОК Струмица 47&72. Стратегот со кој клубот има овоено голем број титули и добиено голем број признанија поднел оставка од функцијата шеф на стручниот штаб. Веста ни ја потврди и тој, но не сакаше да објасни кои се причините за неговото заминување од клубот.
,,Да точно е. Пред речиси половина месец поднесов оставка. Секој почеток има и крај. Им посакувам многу успех и среќа на момците“ кусо ни изјави Кире Ричлиев
Тимот на ОК Струмица 47&72 сега ќе го предводи досегашниот помошник тренер Ване Ристоманов. Тој ќе има за задача до крајот на сезоната да ја продолжи доминацијата на струмичките одбојкари на мак сцената, иако по првиот дел од првенството струмичани им го отстапија првото место на УГД Штип пред плеј оф пресметката.
Прв испит за Ристоманов е завршницата од Купот. Таму струмичани во полуфиналето играат со Борец. Во вториот полуфинален меч играат Штип УГД со Работнички Завршницата од КУПОТ во одбојка се игра во Радовиш а полуфианлните мечеви се на 3 ти април.
Ричлиев е креатор на голем број професионални одбојкари и наши одбојкарски репрезентативци. Речиси цела тренерска кариера беше во струмичката одбојка со неколку ангажмани во странство. Под палката на Ричлиев, Струмица ги има освоено сите одбојкарски титули во самостојна Македонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
