Во организација на Црвениот крст од Валандово а по повод Светскиот ден на волонтеризмот, утре на 4 ти Декември во Кино салата 25 мај во Валандово ќе се одржи голем музички концерт на Хртистијан Божинов-Кико и групата Болеро. Освен тие на концертот свој настап ќе имаат и Санде Митев, Пепита, Катерина, Патриција, Весна и Ева како и Петар Ризов и Лидо со нивниот бенд.
Концертот ќе биде хуманитарен, за помош на едно социјално загрозено семејство со малолетно дете кои ги немаат ниту елементарните услови за живот ниту за школување на момчето. За таа цел сите средства од продадените влезници по цена од симболични 50 денари ќе бидат наменети за тоа семејство за кое може да се донира и во кутиите кои ќе бидат поставени во Кино салата
,, Секогаш треба да подадеме рака. На иницијатива на Црвениот крст од Валандово кои сакаат да помогнат на тоа семејство но и малолетното момче се одлучивме веднаш да организираме концерт и сите заедно да ја покажеме нашата хуманост, оти секој има право на квалитетен живот” ни изјави Кико кој ги повика сите валандовчани да бидат дел од овој концерт и да се помогне
Концертот ќе започне во 18 часот каде присутните преку забава и дружење ќе донираат средства за семејството од Валандово.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
