Министерството за енергетика ги објави фирмите кај кои можат граѓаните да го искористат ваучерот за набавка на високоефикасни инвертер клима уреди. На списокот од 42 компании се најдоа и шест фирми од Југоистокот. Станува збор за три фирми од Струмица Милт, Крисмел и Електромеханика како и фирмите Озис-С.О од Радовиш, Џиви од Гевгелија и Тентов од Дојран.
Ваучерите ќе мора да бидат искористени до 30 ти ноември. Освен во овие шест фирми како што објавија од Министерството за енергетика ваучерите може да се искористат и кај останатите фирми од списокот. Како што информиравме досега, од Југоистокот само 167 граѓани добија ваучери од државата за набавка на високоефикасни инвертер клими. Од нив 74 се ранливи категории домакинства со еден, два, три четири и пет члена семејство кои имаат ограничени приходи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
