Во текот на изминатиов викенд во четири угостителски објекти на подрачјето на општина Струмица се констатирани кривични дела предвидени во чл.206 од Кривичниот законик, а во еден угостителски објект констатиран е прекршок по чл.21 од ЗППЈРМ, соопшти СВР Струмица која најави чести контроли на угостителите во поглед на почитување на владините мерки и протоколи за работи во услови на епидемијата конкретно во делот на носење заштитна маска и држење на потребно растојание
Како што информираат од СВР Струмица -активностите на полицијата ќе бидат насочени на: присуство на малолетници во угостителски објекти по 24.00 часот предвидено во чл.21 од ЗППЈРМ, непостапување според здравствените прописи за време на епидемија предвидено во чл.206 од Кривичниот законик и гласната музика која неретко ги вознемирува граѓаните, особено оние што живеат во близина на угостителските објекти и на почитување на работното време, каде се превземаат координирани мерки и активности со Државниот пазарен испекторат
За сите сопственици на угостителските објекти кај кои ќе бидат констатирани кривични дела и прекршоци кои се повторуват, СВР Струмица согласно своите надлежности, ќе изготви соодветни поднесоци, а за правните лица ќе предложи изрекување на соодветни санкции.Ваквите интензивни мерки и активности на полициските службеници самостојно и во координација со надлежните инспекциски служби ќе продолжат да се реализират и во претстојниот период.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
