На локалитетот Орниче кај населеното место Костурино во Општина Струмица но и кај месноста Атици-споменикот кај Црничани Општина Дојран, деновиве екипи на Завод и Музеј Струмица со стручна поддршка од Археолошкиот музеј на Македонија и геофизички тим од соседна Бугарија потврдија дека има неолитски населби.
Веста ја сподели Зоран Рујак археолог која за ДрнкаМК потврди дека на ови простори се бележи конутиниран живот, организиран во населби кој се протега повеќе од осум милениуми а истражувањата се прават за да се добие слика за просторната организација на неолитските населби во Југоистокот.
„Прелиминарните резултати ги потврдија досегашните сознанија дека неолитските населби се кружно или полукружно организирани, а објектите во нив, радијално распоредени.Исто така, се покажа дека една од населбите била опкружена со неколку окопи/ровови, распоредени лепезесто околу централниот простор“ стои во објавата на Рујак
Како што објаснува Рујак врз основа на резултатите од геомагнетните истражувања наредната година ќе продолжат истражувањата на локалитетот Орниче кај Костурино а од 2026 година можно е да се пристапи на истражувања на локалитетот Атици-споменикот кај Црничани.
Струмичките археолози во 2020 тата открија нови остатоци на локалитетот Орниче кај Костурино – струмичко кои укажуваат дека таму имало цивилизација уште во раниот неолит со што станува збор за најстара населба во Југоистокот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
