Со пристигнување на првите туристи од Холандија а во присуство на амбасадорката на Холандија во земјава Узлем Џанеч, во Габрово општина Струмица отворен е првиот агротуристичкиот капацитет во Југоистокот насловен како „Лоуисандро“. Станува збор за хациенда кои нуди сместувачки апартмани но и содржини за спокоен престој и релаксација пропратено со домашна храна типична за ова поднебје.
Комплексот е инвестиција на Васко Коциров кој повеќе од 20 години живее и работи во Холандија. Со изградбата на овој капацитет тој сака да го развие руралниот туризам во подбеласичкиот регион но Струмица да стане атрактивна и посакувана дестинација за домашните и странските посетители.
Комплексот беше отворен во присуство на градоначалникот на Струмица Костадин Костадинов кој на својот фб објави дека ова е нов тренд на агротуризам, односно враќање во руралните средини од современите динамични градски средини и уживање во даровите од природата.
Фото ФБ Коста Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
