Првиот човек на Струмица Костадин Костадинов на својата ФБ страна објави дека кај сите осум субјекти кои вршат угостителска дејност во и надвор од објектот, опфатени во заедничкиот вонреден инспекциски надзор, општинските инспектори на Струмица констатирале неправилности. Вонредниот инспекциски надзор е резултат по наредбата на градоначалникот Костадин Костадинов од 21 март до сите инспекциски служби да бидат во вонредна контрола.
Како што стои во објавата, 8 неправилности констатирал и општинскиот градежен инспектор, 4 неправилности констатирал општинскиот комунален а општинскиот инспектор за животна средина констатирал 7 неправилности во субјектите кои се занимаваат со угостителство.
,, Општински градежен инспектор 8 Записници од извршен вонреден инспекциски надзор во кои се утврдени 8 неправилности, и за истите ќе бидат превземени инспекциски мерки согласно одредбите од член 132 од Законот за градење. Општински комунален инспектор 6 Записници од извршен вонреден инспекциски надзор од кои во 4 се утврдени неправилности, за кои ќе бидат донесени Решенија со рок за отстранување на неправилностите, а во 2 е констатирано дека нема неправилности во поглед на користење на јавните површини, согласно одредбите од Законот за јавна чистота. Општински инспектор за животна средина 8 Записници од од извршен вонреден шинспекциски надзор во кои се утврдени 7 неправилности, за кои ќе бидат донесени решенија Со рок за отстранување на неправилностите, согласно одредбите од Законот за животна Средина и Законот за управување со отпад,, напиша Костадинов на ФБ
Костадинов во својот пост наведе дека од Нова година па до 23 ти март од страна на секторот за инспекциски работи при Општина Струмица биле извршени се 226 надзори а контроли ќе има и во наредниот период. (Б.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
