Расте бројот на илегални преминувања на македонско грчката граница од страна на мигрантите. За девет дена откриени се дури околу 900 лица кои со помош на криумчари во патнички и товарни возила се обидуваат да стасат до српската граница. Последниот случај е откриен вчера кај гевгелиско Милетково каде во камион ладилник пронајдени се 142 мигранти.
Возачот на камионот со бугарски регистарски ознаки а ладилникот со гевгелиски, избегал од местото на настанот, но неговиот идентитет им е познат на надлежните информирааа од граничнаата полиција.Дополнителната заменик министерка за внатрешни работи Славјанка Петровска кажа дека против него ќе биде поднесена кривична пријава
Таа подвлече дека заради откривањето на мигрантите на овој потег во државата, рутата за илегални преминувања се поместува кон струмичкиот регион заради што засилени се контролите и на овој дел од Југоистокот. Петровска кажа дека со отворањето на границите на европските држави се зголемува и притисоктот за влез и транзит на мигранти низ земјава
,, Полициските службеници ги следаат начините на нивно дејствување и рутите меѓутаа и начините на кои се организираат групите. Секако дека отворањето на границите на европските држави го зголемува ризикот од зголемен број на обиди за илегални преминувања, но паралелно ние ја зголемуваме екипираноста и позиционираноста на нашите тимови вдолж македонско јужната граница,, рече дополнителната заменик министерка за внатрешни Славјанка Петровска.
Дека рутата за транзит на мигрантите од гевгелиско и автопатот Пријателство се поместува кон струмичко зборува и статистиката на МВР. За последниве 4 дена во струмичко во три одделни случаи се откриени 50 тина мигранти претежно до Пакистан, Бангладеш и Сирија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
