Гуна Маркова од Валандово е домаќинка и производителка на разновидни преработки од локални растенија, плодови и овошја со што дава голем придонес во развојот на гастро туризмот во Македонија. Вака пишува порталот Кајак.М кој Гуна ја прогласува како хероина која заслужува да биде вклучена во секоја туристичка приказна на валандовскиот регион.
Како што пишува порталот, таа повеќе 15 години активно одгледува локални растенија и ги преработува во вкусни специјалитети кои го промовираат Валандово на разни саеми ширум државата. Започнала со слатко од диви смокви а сега прави слатко од рендана тиква и дуња, оцет од калинка, домашен ајвар и лутеница, а како уникатен производ кој таа го произведува е слаткото од лути пиперки.
,,Слаткото има спефицичен благо-лут вкус. Се произведува од „пиперови“ пиперки кои самата ги сади и одгледува. Токму ваквите пиперки кои растат под валандовско поднебје го прават уникатен вкусот на благо-лутиот десерт. Гуна вели дека слаткото може да се комбинира со разни сирења, а се додава и во подготовка на месни специјалитети,, пишува Кајак.Мк
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
