По пауза од нешто повеќе од половина деценија, на музичката фолк сцена се врати Катерина Ристова која своевремено беше дел од Легато бенд но сега гради солистичка кариера. Со години живееше во САД каде оформи семејство. Таа на последното издание на Охрид фест се закити со наградата за најдобар дебитант. Во интервју за Дрнка МК вели дека нема намера да прави долги паузи како последната кога се посвети на семејството. За идната година планира спот за наградената песна ,,Дај боже дај“, настапи на фестивали, песни. Одговара каде понатаму дали САД или Македонија…..
Како е после долги години да се појавие на македонската музичка сцена
Кате: Искрено, не е исто како што беше во декември далечната 2004 година ,кога го имав мојот прв настап.Кога ќе се присетам сега сама некогаш знам да се насмеам на моја сметка. Тогаш бев премногу млада, немав искуство, малку страв, како ќе биде ,што ќе биде ,а додека сега е многу поразлично ,бидејќи имам многу поголема сигурност ,самодоверба , искуство,многу работи ми се појасни. Знам колку е трнлив патот по кој се движиме сите од музичката фела. Но,во секој случај се радувам што можам повторно да се дружам со публиката ,да создавам нови музички дела ,па и да направам некои обработки на некои песни кои се подзаборавени.
Се има ли нешто променето на музички план во Македонија
Кате: Па искрено мислам дека да, има промени бидејќи гледам а и слушам се почесто по емсиии дека повеќе се слуша и пее нашата убава народна песна, без разлика дали е новокомпонирана или е изворна. Се радувам што ете конечно голем дел од моите колеги запазуваат каква музика создаваат и каков текст нормално ќе има нивната композиција. Додека пред неколку години ми се чине малку бевме тргнале во погрешен правец, поготово кога се работи за новокомпонираната музика.
Добивте награда на Охрид фест- ја очекувавте и збор два за песната
Кате: Да токму така, со песната која настапив на овогодишното издание на Охрид Фест, Охридски Трубадури зедов награда за најдобар дебитант на тој фестивал, бидејќи за прв пат натапив таму. Претходно никогаш не сум пеела на Охрид Фест и баш се радувам што покрај убавата песна, добив и награда која ми дава мотивација да продолжам од таму каде што застанав со музиката и да создавам нови музички дела. Инаку музиката и аранжманот за ова песна, на мое огромно задоволство ги направи еден од најдобрите композитори и хармоникаши овде кај нас, па можам слободно да кажам и надвор од границите на Македонија, Дарко Илевиски, а текстот го напиша мојот долгогодишен пријател и еден од најдобрите автори на текст кај нас Ѓорѓи Калајџиев со кој и претходно додека бев со бендот имавме соработувано. Инаку песната има преубава порака и носи наслов “Дај Боже дај”.
Каде во иднина- Македонија или САД каде живеевте со Васко
Кате: Животот е чудна приказна. Буквално не знаеш каде ќе те однесе. Бевме извесен период на релација Македонија – САД а сега најверојатно Македонија – Швајцарија со оглед дека Васко веќе работи во Швајцарија .
Кои се плановите на музички план во иднина?
Кате: На музички план, нема веќе толку пауза да се прави, иако ова пауза ми беше најубавата и највредната пауза,семејството за мене е секогаш на прво место. Планирам во следната година, која и не е толку далеку, на прагот ни е, живи и здрави со Господ напред планирам на ова песна од Охрид Фест да и направам видеозапис но видеото сакам да го снимам на пролет, од причина што е потопло, јас ја сакам пролетта бидејќи се е зелено, расцутено, птиците распеани . И секако откако ќе биде видеозаписот готов би сакала да направам и убава промоција, има планови за настапи и на фестивали, снимање на нови песни, оставам на времето, не секогаш работите зависат од нас.Инаку соработката со Дарко на мое задоволство продолжува и во иднина, не застануваме, ќе се прават нови песни, видеозаписи, настапи на повеќе фестивали .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
