Трговците да имат јасни правилници за откуп за годинашнава сезона. Однапред да бидат дефинирани правилата за игра – цените, количините, начин на исплата. Вака побараа раноградинарите на денешната средба во Струмица за поефикасен откуп и пласман на зеленчукот од овој регион
,, Да се дефинира еден правилник кој ќе биде во интерес и на нас земјоделците и на трговците и на преработувачите. Сите заедно да одиме во ист правец“, кажа Драги Памуков земјоделец од Куклиш
Почитување на стандардите за квалитет, соодветна калибража, транспарентни податоци за биохемиската заштита на производството, побараа трговците. Тие сметаат дека земјоделците ќе мора да играт по европските правила.
,,За поздравување е иницијативата на едно место да се сретнат прозиводителите и откупувачите за да може отворено да кажеме што ни пречи и што може да очекуваме. Отворено да зборуваме што се бара, за заштитата на зеленчукот бидејки свесни сме дека ни се враќаат камиони со зеленчук од ЕУ. Ќе ги слушнеме нивните потреби но ќе ги кажене и нашите ставови за во иднина,, кажа Блажо Витанов
На средбата беше присутен и министерот за земјоделство Цветан Трипуновски. Според него средбата е во насока на зајакнување на соработката и довербата меѓу земјоделците и трговците откупувачи.
„Во фаза сме во носење на новиот закон за земјоделство и рурален развој, којшто е база на земјоделското производство. Таму ќе се дефинираат многу правила на игра во делот на производство, пласманот, исплата на земјоделските производи, загарантирана производна цена којашто треба да биде за повеќето важни земјоделски производи. Овој закон се очекува до средината на годината да биде ефективен, и ќе значи долгорочно одржливо земјоделско производство“, појасни министерот.
Пласманот и откупните цени се најголемиот проблем за земјоделците од струмичко секоја година. Лани тие во неколку наврати протестираа и блокираа улици барајки контуиниран откуп и цени кои ги покриваат производствените трошоци
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
