Струмичка фирма ќе биде казнета со 9 илјади евра додека одговорното лице на истата со 500 евра откако при вонреден инспекциски надзор е затекнато согорување на отпад од целулоза спакуван во најлонски вреќи. Веста ја објави градоначалникот на Струмица Костадин Костадинов на својата фб страна откако изминативе денови по социјланите мрежи имаше доста реакции за непријатен мирис и често палење на отпад на отворени површини
,,Вонредниот инспекциски надзор е извршен кај правен субјект каде на лице место е затекнато согорување на отпад од целулоза спакуван во најлонски вреќи. На правниот субјект од страна на инспекторката за животна средина ќе му биде издаден прекршочен платен налог за правен субјект во висина од 9000 евра и прекршочен платен налог за одговорно лице во правниот субјект во висина од 500 евра. Инспекциските служби на општина Струмица уште еднаш апелираат до сите правни субјекти како и физички лица да не согоруваат отпад, целта не е да се казнуваат истите но очигледно апелите од наша страна не допираат до секого па поради тоа за таквите затекнати прекршоци ќе следуваат и соодветни казни, објави градоначалникот Костадинов
Општина Струмица ќе продолжи и понатаму вонредните инспекциски надзори да ги објавува јавно на официјалната страна на општината, како и тоа дека ќе продолжи соработката со ТППЕ Струмица и активирањето на дронот во текот на денските и ноќните часови.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
