Струмички Комуналец покрена дисциплинска постапка против свој вработен кој деновиве истурал отпад на несоодветна локација. Како што соопштија од претпријатието постапката се покреува заради непочитување работни задачи. Имено деновиве граѓани преку Здрава Котлина, објавија видео како вработен од Комуналец со возило депонира отпад на несоодветно место создавајки дива депонија
,,По пријава од граѓани за истурање на смет на несоодветно место од страна на наш вработен ,покрената е дисциплинска постапка за непочитување на работните задачи . Во текот на денот започнавме со чистење на дивата депонија каде што е истурен отпадот, а секое несоодветно однесување на нашите вработени ќе биде најстрого санкционирано“, објавија од Комуналец
Од таму ги охрабруваат граѓаните секое несоодветно однесување и депонирање на отпад од било кого да го фотографираат и пријават на 13 110 како би можеле комуналните инспекциски служби да постапат понатаму.
,,Да се сопре настанувањето на диви депонии е наш приоритет и со сите сили и можни средства треба да го спречиме нивното настанување“, констатираа од Комуналец (Б.Т. фото: ФБ Комуналец)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
