И годинава Општина Василево ќе доделува еднократна парична помош за секое прваче. Сите деца што во учебната 2025/2026 ќе се запошат и ќе тргнат во прво одделение во училиштата во Општина Василево ќе добијат по 2 500 денари. Ова е трета година по ред како општината доделува еднократна парична помош за семејствата што имаат првоодделенче.
,,Во екот на енормните поскапувања, кои пак посебно се изразени кај училишниот материјал и за кои секој родител треба да одвои огромна сума на пари, како локална самоуправа одлучивме годинава да му олесниме на нашиот народ и овој за нив најсреќен ден, да остане запаметен како таков. Првиот училишен ден за секое прваче, значи неизмерна радост и возбуда, но исто така и за нивните родители бидејќи нема поголема гордост од нашите деца,, стои во објавата на ФБ на градоначалникот на Василево Славе Андонов
Родителите или старателите кои сакаат да ја искористат оваа финансиска помош треба да се пријават најдоцна до 30 септември 2025 година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
