Според последните податоци што ги објави Инситутот за јавно здравје (ИЈЗ) заклучно со 26 ти септември во земјава со една доза на вакцина против ковид-19 вакцинирани се 46,9% од населението над 18 годишна возраст. Најмногу во Неготино каде опфатот е 65 проценти додека најмалку во Гостивар опфатот изнесува 33,4 %.
Што се однесува до општините од Југоистокот во Центарот за јавно здравје Струмица кој ги покрива и општините Василево, Босилово и Ново Село заклучно со 26 септември вакцинирани се 26 406 граѓани со прва и 23 687 граѓани со втора доза. Овој регион спаѓа со најмал опфат на вакцинирани лица над 18 годишна возраст против ковид 19 или 34,8 одсто .
Освен во Струмица во групата најмалку вакцинирани влегуваат и општините Радовиш и Конче со 37 одсто од населението над 18 годни . Прва доза примиле 9 586 лица додека втора доза 8 593 лица.
Сликата е далеку подобра во Валандово и Гевгелија. Во Валандово според објавените податоци на ИЈЗ заклучно 26 септември со прва доза се вакцинирале 55, 4 одсто од населението повозрасно до 18 години. Со прва доза вакцинирани се 5 265 граѓани а со втора доза 4 989 лица.
Најголем опфат според ИЈЗ има од Центарот за јавно здравје Гевгелија кој ги покрива и општините Богданци и Дојран. Таму со прва доза вакцинирани се 17 173 граѓани над 18 години додека втора доза примиле 16 494 или 61.4 одсто од популацијата над 18 години.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
