Градоначалникот на општина Василево, Славе Андонов беше домаќин на Вице амбасадорот на Р Италија во РСМакедонија, Марио Де Роза, кој ја посети општината во придружба на Рикардо Раиноне – претседател и Енрико Раиноне – директор на Конфиндустриа во Македонија.
„Нас не поврзуваат виното, храната, отвореноста и менталитетот, пријателството меѓу нашите земји и народи. Многу граѓани на општина Василево избрале да живеат и работат во Италија, а многу други одат на краток одмор. По претставувањето на спецификите, особеностите, можностите и капацитетеите со кои располага општина Василево, како и отворено изразената воља за пријателство од наша страна, разговорот се водеше околу можностите за заедничка соработка во повеќе области и реализација на конкретни активности од кои бенефит би имале двете страни. Продолжуваме да работиме. Општина Василево да биде меѓународно препознаена и афирмирана“. Андонов потенцира дека преку ваквите контакти и средби се отвараат нови можности и перспективи за општината: „Отвараме нови перспективи за општина Василево“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
