Инфективното одделение во Струмица е полно со пациенти заразени со ковид-19. Таму веќе извесен период нема можности за сместување на нови лица со полесна клиничка слика, заради што струмичката болница ја отпочна постапката за опремување на дополнителен простор. Директорот на болницата Наќе Гогов вели дека се работи на адаптирање на простор од новиот болнички крак кој сеуште не е ставен во функција за да можат да одговорат на потребите на пациентите бидејки бројката секојдневно на заболени во Струмица се зголемува
,, Во моментов на инфективно се лекуваат вкупно 15 пациенти што е максимумот согласно дадените протоколи за работа од здравствените власти. Со оглед дека бројките деновиве се двоцифрени, се чувствува потреба од згрижување на лицата со полесни сиптоми, така што приморани сме да опремуваме дополнителен простор за да бидат третирани на соодветен начин,, кажа Гогов
Како што кажа директорот, станува збор за решение додека не се подигне монтажната ковид болница за што летово согласност дадоа 16 општини од земјава. Според него струмичката болница има просторни услови кои може да се адаптираат за сместување на пациенти со полесна клиничка ковид слика .
За три дена во Струмица се регистрирани дури 45 позитивни лица на ковид-19 со што бројката на активни случи се искачи на 90 лица. Освен возрасни како што тврдат лекарите се зголемува бројот на заразени лица и од помладата популација. Од почетокот на пандемијата во Струмица регистрирани се 157 позитивни случаи а 7 лица починаа од компликации предизвикани од вирусот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
