Годинешното 19 то издание на меѓународниот филмски фестивал „АстерФест“ ќе се одржи од 1 до 5 ти август во Струмица, под мотото „Кинореалност ’24“. Станува збор фестивал кој постои од 2005 година основан од Горан Тренчовски а е посветен на професионалната култура на краток и документарен филм и ја истакнуваат нејзината афирмација, популаризација и валоризација кај публиката.
Годинава на фестивалот свој филм ќе има Николас Нојхолд насловен како ,,Сламеница кон иднината. Тоа беше поводот да се праша Нојхолд за и околу филмот кој ќе биде прикажан на Астер фест но и неговите идни планови.
АСТЕР ФЕСТ: Како филмски автор од Луксембург, вие сте ѝ веќе познат на астерфестовската публика. Пред неколку години беше прикажан вашиот краток игран филм „Фалеминдерит“, кој ѝ остави голем впечаток на публиката во Струмица. Исто така, бевте член на жирито на „Астерфест“ во 2016 година. Вашиот најнов краток игран филм „Сламеница кон иднината“ е селектиран во официјалната натпреварувачка програма на 19-тото издание на „Астерфест“ и ќе биде прикажан во една од првите две филмски вечери. Што значи за вас претставувањето на вашиот филм во Македонија и какви се вашите следни планови со овој проект?
НИКОЛАС: 2016? Зарем толку време помина? Каде летна времето? Искуството од „Астерфест“ и посетата на Струмица, пред осум години, за мене е прекрасен спомен. Да се биде филмски автор и член на жирито ми беше ново искуство. Бев поделен меѓу авторите кои ги претставуваа своите филмови и прекрасните домаќини кои го организираат фестивалот. На крајот, успеав да постигнам сè, и никогаш не сум се чувствувал подобредојдено.
„Фалеминдерит“, кој претходно го прикажавте, беше најголемиот краток филм кој некогаш сум имал можност да го направам. Како и да е, за време на пандемијата имав многу малку можности да го гледам со публика. Убаво е да се слушне дека наишол на добар прием, туркајќи ме напред кон празнината, ако правењето филмови може да биде нешто такво.
„Сламеница кон иднината“ е проект чијашто приказна јас навистина сакав страсно да ја раскажам, и многу сум благодарен што ќе игра на „Астерфест“ ’24. Комбинирањето на комедијата и климатските промени е нешто што сè уште е во зародиш, па мојот осумминутен придонес за жанрот ме охрабрува да продолжам да создавам приказни во тој правец. Критиката против преземањето на нафтената индустрија од деструктивните гиганти на капитализмот сигурно личи на кихотовска борба, но едно е што не можам да помогнам, а друго е што сакам да продолжам да се занимавам со тоа – во овој и во некои мои идни филмови.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
