„Од пораките што ги добив од земјоделците во овој регион, има одредено шпекулативно однесување од страна на откупувачите на зелката. Ова го добив како порака во последните ден-два. Разговарав и со министерот за земјоделство, кој ми рече дека денес ќе биде тука.“, Вака кажа денеска премиерот Христијан Мицкоски во Радовиш на новинарско прашање како течат субвенциите со оглед дека е во посета на земјоделски регион.
Раноградинарите од Струмица на социјалните мрежи реагираат за падот на откупната цена на зелката од 70 на 40 денари. Сметаат дека државата треба да превземе нешто и да ги ,,заузада“ откупувачите кои не ги почитувале договорените откупните цени
„Во цело Струмичко, цените на зелката паѓаат без контрола – од 70 на 40 денари за три дена! Нема почитување на договорените цени, нема заштита за производителите, а трговците профитираат на наш грб. Бараме итна интервенција од министерот и владата – ред на пазарот и фер услови за земјоделците!“ стои во објавата на раноградинарите по социјалните мрежи
Според премиерот Мицкоски во текот на денот во Струмичко треба да биде и министерот за земјоделство Цветан Трипуновски за да констатира на што се должи огромниот пад на откупната цена на зелката и да се предложат конкретни решенија со оглед дека допрва ќе почне интензивно бербата на пролетната зелка.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
