Илија Трајков – Шемка од Босилово е еден од ретките во струмичкиот регион кој одгледува зимски лубеници или народски кажано Божиќни . Своевремено во струмичко речиси немаше домакинство а да не садеше во најмала рака по неколку корени ,,зимски“ лубеници за да го имаат како десерт на Божиќната трпеза. Но за жал овој тип на бостан полека изумира од струмичките ниви.
На прсти се бројат земјоделците кои одгледуваат лубеници кои се декор на Бадниковата вечера. Станува збор за бостан кој стасува во есенскиот период а домакинства ги купуваат по неколку парчиња и се чуваат во ладни и темни простории за Бадник и Божиќ.
,, Имав засадено околу два декари под зимски лубеници и порано стасаа годинава отколку што очекував. Топлото време е причината. Многу се вкусни – старо семе, не е калем. Имам околу 4 тони производство, дома го чуваме. Ептен се вкусни . Тоа се лубеници кои се ставаат на Бадниковата посна вечера. Јас во Босилово имам засеано а слушнав дека има и во Еднокуќево,, кажа Трајков познат како Шемка во Босилово.
Тој на Ајверијадата во Босилово го изложи своето производство и кажа дека оди продажбата. Купувале претежно возрасни кои знаат за таканаречените зимски лубеници. (В.Трајков /фото и видео: Дрнка.МК)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
