Голема прашина се дигна за мечот од шестото коло од Општинската фудбалска лига на Струмица во Пиперево меѓу домашната Единство и Интер Кукла од Куклиш. Домакините информираа дека натпреварот се одиграл и го добиле со резултат 2:1 додека Интер Кукла пак соопшти дека мечот што се одиграл бил пријателски и ревијален.
Интер Кукла на ФБ излегоа со став, во кој велат дека Единство Пиперево немал доволен фонд на регистрирани играчи па со договор со делегатот одлучиле да одиграт ревијален меч и мечот бил заведен службено со 3:0 во нивна корист.
ФК Единство од Пиперево на својот ФБ профил нема објавено став за мечот но ,,Наше Пиперево“ на ФБ веднаш по мечот објавија фотографии во кои го илустрираат славјето на Единство против Интер Кукла со резултат од 2:1 и дека следното коло ќе гостуваат во Злеово.
Дрнка.МК портал се обрати до првиот човек на ОФС Струмица Илија Илиев – Ромата со прашање дали мечот во Пиперево се одигра. Соопшти дека мечот се одиграл но за случувањата таму имало забелешки и представка од гостите.
,, Мечот во Пиперево се одигра но за крајниот епилог ќе одлучува ОФС Струмица“ кусо соопшти претседателот Илиев
(В.Трајков фото:принт скрин ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
