Мокринските извори на Беласица станаа достапни и за лицата со инвалидитет. Изградена е пристапна патека но и соодветни летниковци за овие лица. Како што кажа градоначалникот на Ново Село Ѓорѓе Божинов со ова се отвора можноста оваа природна убавина да биде достапна за сите посетители да престојуваат и уживаат во убавините на Мокринските извори.
,,Овозможуваме на лица со телесен инвалидитет да пристапат и до локалитетот но и самите извори. Направени се и летниковци меѓу кои и за овие лица. Сметам дека ова уредување е посебно важно бидејки пружаме еднакви можности за сите граѓани посетители бидејки досега Мокринските извори беа достапни за еден дел граѓани, но сега буквално за сите“, вели градоначалникот Божинов кој подвлече дека на локалитетот ќе биде поставена и нова урбана опрема но и паркинг за велосипедисти.
Уредувањето на Мокринските извори се реализира преку Центарот за развој на Југоисточниот плански регион со цел да се зголемат содржините за поголема посетеност. Освен изворите се уредуваше и просторот околу Колешинскиот водопад а целиот прокет чини околу 4 милиони денари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
