Пожарот кој избувна на Ташли Баир кај Едрениково општина Василево а се прошири и до магистралнито пат Струмица-Радовиш и во атарот на населеното место Владевци, утрово околу 6 часот е целосно локализиран информираа од ТППЕ Струмица. Тој синоќа околу полноќ бил ставен под контрола но останале екипи за да дежураат кои до утрово целосно го локализирале пожарот кој според информации на општина Василево зафатил површина од околу 25 хектари со сува трева и ниско стеблеста шума.
Во гаснењето на пожарот учествувале шест противпожарни возила и 25 пожарникари. Пожарот кој постојано се ширел заради сувата трева, вчера стасал и до филтер станицата од каде со вода за пиење се снабудваат неколку населени места од општина Василево.
Првиот човек на општина Василево Марјан Јанев побара целосно расчистување на пожарот кој вчера попладне избувнал на неколку места кај едрениково но и казнување на сторителите со оглед дека пожарот можел да предизвика и поголеми штети
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
