Деновиве се очекува да отпочне новогодишното украсување на Струмица. Избрана е фирма која треба да пристапи кон поставување на новогодишните украсни светлосни елементи по улиците и плоштадот на Струмица и да ја монтира Новогодишната елка со повеќе декоративни елементи на плоштадот.
,,Донесена е Одлука за избор на најповолна понуда. Друштво за производство, трговија и услуги ЛИНК МЕДИА ПЛУС ДООЕЛ увоз-извоз Скопје е избран за најповолен понудувач,, Вака стои на сајтот на Бирото за јавни набавки по распишаниот тендер на ЈП Паркиралишта Струмица
Фирмата ,,Линк Медиа плус“ била единствената што се јавила на распишаниот Јавен повик и нивната понуда е прифатена како најповолна. Според информациите од ЈП Паркиралишта веќе бил склучен договорот.
Вредноста на Договорот, меѓу Паркиралишта Струмица и Линк Медиа Плус Скопје според нашите информации изнесува околу 3,5 милиони денари со ДДВ или околу 56 илјади евра.
Станува збор за истата фирма која лани го доби тендерот за новогодишно украсување за 8,4 милиони денари или околу 137 илјади евра. Во ланскиот договор имаше пет Новогодишни елки од кои две столбни а беа опфатени и повеќе улици .
Годинава според распишаниот Јавен повик со техничката спецификација , во Струмица треба да се украси булеварот Ленинова, булеварот Маршал Тито, старата чаршија , потегот кон собранието , градското корзо со плоштадот, Гоце Делчев кон Дабиле при што ќе бидат поставени над 400 светлосни фигури, елементи но и околу 500 метри светлосно небо со неколку декоративни елементи на плоштадот каде треба да биде монтирана Новогодишна елка со висина од минимум 11 метри.
Задутре во петок, 19 декември 2025 година, на плоштадот во Струмица, со почеток во 17:00 часот, граѓаните се поканети заедно да ја доживеат празничната магија. Ќе блесне новогодишната елка, а за добрата атмосфера ќе се погрижат Стојне со интерактивна Dance забава и DJ Jovanoff. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
