Идниот месец во Струмица ќе се одржи турнир во мал фудбал посветен на фудбалската легенда Благој Истатов. И годинава турнирот ќе биде со награден фонд од милион денари или 16 илјади евра за што веќе е објавен повикот за екипите кои сакаат да учествуваат. Ќе се игра во сениорска и јуниорска конкуренција а покровител на овој турнир кој има најголем награден фонд во земјава е градоначалникот на Општина Струмица Костадин Костадинов.
Во сениорска конкуренција котизацијата е 10 илјади денари а најдобрата екипа ќе добие награда од речиси 10 илјади евра или 500 илјади денари . Второпласираниот состав ќе освои 250 илјади , третопалсираната 100 илјади а поразената во малото финале утешна награда од 50 илјади денари.
Што се однесува до јуниорската конкуренција станува збор за екипи со фудбалери родени од 2011/12 2013/14 година и помлади. За нив котизацијата изнесува 4 илјади денари.
Организаторите соопштуваат дека бројoт на екипи за овој турнир е лимитиран a истиот ќе почне на 16 ти Јуни. Пријавувањето на екипите е до 11 јуни.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
