Од следната недела преку Македонската развојна банка на стопанствениците ќе бидат на располагање неколку оперативни кредитни линии во висина од 46 милиони евра. Истите ќе треба да му помогнат на стопанството да се справи со енергетската криза и со последиците од руско-украинскиот конфликт, но и да се подготви за зелената транзиција.Вака најави вицепремиерот за економски прашања Фатмир Битиќи во Струмица кој имаше средба со преставници од бизнис секторот
Тој меѓу другото најави дека се правата детални анализи за укинување на царинските тарифи и укинување на квотите за да им се помогне на стопанствениците кои се соочуваат со недостиг или суровини по високи цени.
,, Со носењето на економските мерки пред две недели рековме дека ќе обезбедиме колку што е возможно да се супституираат дел од суровините од други земји коишто претходно не биле атрактивни. Наспроти носењето на суровини од ЕУ, од ЦЕФТА земјите и неколку земји со коишто имаме договори, имаме доста држави во коишто имавме и многу високи царински тарифи. Веќе правиме детални анализи за укинување на царинските тарифи и укинување на квотите за да обезбедиме супститут на суровини, истакна Битиќи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
