Струмичкиот кошаркарски вотролигаш деновиве се вклучи во акцијата на општина Струмица за уредување на спортсктие терени и игралишта при што на нивна иницијатива се уреди кошаркарското игралиште во ООУ ,,Сандо Масев” кое беше со лош изглед односно со дотраени табли и избледени обележја на теренот. Во соработка со ЈП Комуналец, дел од играчите, стручниот штаб и управата на клубот беа заменети кошаркарските табли а се изврши и обележување на теренот кој е со бетонска подлога во дворот на школото
Станува збор за спортски терен, кој освен учениците од ООУ ,, Сандо Масев ‘’ го користеа и млади струмичани кои ја сакаат кошарката како спорт и рекреативно играат баскет на овој терен.
,, Почитувајки ги владините мерки и препораки за заштита од коронавирусот, во акцијата беа вклучени кошаркари од нашиот клуб. Тие извршија обележување на теренот додека со помош на Комуналец ги заменивме дотраените кошаркарски табли. Идејата беше како спортски клуб да дадеме наш придонес во одржување на спортските терени кои треба да бидат во функција на сите, иако станува збор за училишно игралиште. Сакаме децата да спортуваат и да имаат едно пристојно катче каде со кошарката ќе се рекреираат,, ни изјавија од клубот кој и оваа сезона ќе се натпреварува во Втората кошаркарска лига
Лани овој клуб во чија управа се вклучени поранешни кошаркари предводени од Владо Илиевски потоа градоначалникот Коста Јаневски, пратеникот Костадин Костадинов беше дел од второлигашкото друштво со реални шанси да разигрува за пласман во елитата. Но состојбата со коронавирусот го прекина натпреварувањето без да се докажат струмичките деца кои сакаат на голема врата да ја вратат кошарката во Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
