Зоран Јовановски од Ангелци Општина Василево е првиот македонски спортист кој ќе настапи на зимски параолимписки игри, објави Скијачката федерација на Македонија (СФМ). Зимската параолимпијада во Милано и Кортина ќе трае од 6 до 15 март. Зоки преку Здружението на лицата со инвалидитет Мобилност од Струмица се има истакнато во повеќе спортови а последниве години храбро се справува и со скијањето.
„Ова е историски чекор за скијачките спортови во Македонија и доказ дека со визија, системска работа и посветен тим можеме да поместуваме граници и да создадеме нови страници во спортската историја“, соопшти СФМ.
Јовановски, кој се натпреварува во параскијање, испиша историја и во 2024, кога дебитираше на трки од календарот на Светската скијачка федерација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
